طريق الحكمة

حسابك يا رزة ، قول اهندسة 2 قهوة وحجر قص يبقى كله 13 بالصلاة على النبي ، تمام خد خمستاشر وخلي الباقي ، حبيبي يا هندسة .  في حاجة على بالي لما اروح هشوفها واعرف الدنيا ماشية ازاي ، واهو اللاب افتح ياعم جوجل " استخدام الملابس الداخلية في السحر \ الشعوذة \ الاعمال \ التقرب للجن " خلينا في السحر عشان نفهم ايه الحوار ، لما ادخل على مدونة الشيخ ابو هبابة لجلب الحبيب ده ، ايه ده احضر قطعة من ملابس زوجتك الداخلية ونضمن لك أنها لن تخونك ابدا . مقال طويل عريض عن شوية طلبات اهمها ملابس داخلية مستعملة وزعفران وسمكة لوت متوسطة الحجم ورقم تليفون للتواصل مع مركز الشيخ ابو هبابة ، لا مهو النت مش هينفع في الحاجات ديه انا هكلم الواد عماد هو كان بيحب يتكلم في الحاجات ديه ، ألو ايوا يا عمدة حبيبي اخبارك ، والله تمام انت عامل ايه ياض يا مختار ، بقولك يا عمدة انا اه الحمدلله تمام كنت عايزك في حوار ، قول يا زميلي ، تعرف انت في حوار الجن والعفاريت ده صح ، اه بس ليه انت عمر ما كان ليك في الحوارات ديه ، لا انا بس عايز افهم شوية حاجات منك ، خلاص يا باشا انت تؤمر بس مش هينفع في التليفون ممكن ن...

طبعا صحيت من النوم وانا هموت واعرف خميس ده هيقولي ايه الساعة لسة 11 الصبح طب انا ورايا حاجات عايز اخلصها بس دماغي مش سايباني في حالي انا البس وانزل وربنا يسهل على المغرب بقى .. ايه ده !! الساعة بقت 3 خلاص هانت شوية واروح وبعدين انزل القهوة ، وكنت في القهوة عالساعة 5 المغرب بالظبط ، رزة ! اؤمر افخم هاتلي قهوة مانو ، حبيبي افخم ومعاااك واحدة مانو مدلعة لاحلى بشمهندس . خميس داخل القهوة وانا فرحان بعبط اكني مستني ابويا اللي راجع من السفر تعالى اعم خميس يا حلو ها عملت ايه ، حجر القص بتاع خميس يا رزة ، بس كدة واحدة معسلة تحت الشباك وظبط نارك ، عامل ايه يا هندسة ؟ والله الحمدلله يا خميس بس من الصبح وانا مستني اعرف عملت ايه ، والله يا هندسة لأجل الحظ انهاردة الراجل اللي في الخامس كان جايب شيل وحاجات كتير وهو نازل من التاكسي قالي تعالى يا خميس شيل معايا وطلع الحاجة ، شيلت معاه كرتونة كبيرة كدة بتاع فرن بشواية فراخ وفي تايمر وتظبط فوق وتحت او كل اتجاه لوحده ، يا خميس بالله عليك بطل هري شواية فراخ ايه اللي بتتكلم عليها ركز في المهم كنت طالع معاه بالكرتونة ها وبعدين ، اه اه فاكر كرتو...

موضوع الراجل اللي ساكن عندنا في المنطقة ده عجيب جدا ، الناس كلها عارفة انه معندوش    شغل ولا اي مصدر دخل ولا حتى بيعمل مصالح ، كل ده عادي إنما الغريب كلام جيرانه عن الأصوات والصريخ اللي بيسمعوها بالليل طالع من شقته وكمان عم حماد البقال انه كل يوم بياخد منه اكل يكفي 10 افراد ، كان لازم اعرف ايه اللي بيحصل اصل انا من صغري والفضول ده بيموتني ، قررت اسأل عم خميس بواب العمارة بتاعته اصله على طول على القهوة اللي بقعد عليها ، خلاص من بكرا وانا ورا الحوار ده لحد ما هجيب اخره ، تاني يوم خلصت اللي ورايا ونزلت عالقهوة ملقتش عم خميس قلت اكيد شوية وجي هو كدة كدة ملوش مأوى غير هنا ، دخل خميس وسلم على رزة القهوجي وكالعادة طلبه القهوة كراميل وحجر القص ، طب أقولها ليه ازاي اخش عالموضوع ازاي .. وبعد تفكير كتير لقيت نفسي بنادي عليه وبقوله صحيح اللي سمعته ده راح باصصلي وقالي ايه ده قلتله هو فعلا منطقتنا ديه عايمة على اثار زي ما بيقولوا قالي اومال ايه ده كان في واحد هنا عمل صفقة وطار طلع سابع سما تلاقيه دلوقتي في جاردن سيتي وبيصيف في هايسندي ، اسمها هايسندا وبعدين ياعم حلمك عالراجل هيولع ...