سر اللعنة ج1

موضوع الراجل اللي ساكن عندنا في المنطقة ده عجيب جدا ، الناس كلها عارفة انه معندوش    شغل ولا اي مصدر دخل ولا حتى بيعمل مصالح ، كل ده عادي إنما الغريب كلام جيرانه عن الأصوات والصريخ اللي بيسمعوها بالليل طالع من شقته وكمان عم حماد البقال انه كل يوم بياخد منه اكل يكفي 10 افراد ، كان لازم اعرف ايه اللي بيحصل اصل انا من صغري والفضول ده بيموتني ، قررت اسأل عم خميس بواب العمارة بتاعته اصله على طول على القهوة اللي بقعد عليها ، خلاص من بكرا وانا ورا الحوار ده لحد ما هجيب اخره ، تاني يوم خلصت اللي ورايا ونزلت عالقهوة ملقتش عم خميس قلت اكيد شوية وجي هو كدة كدة ملوش مأوى غير هنا ، دخل خميس وسلم على رزة القهوجي وكالعادة طلبه القهوة كراميل وحجر القص ، طب أقولها ليه ازاي اخش عالموضوع ازاي .. وبعد تفكير كتير لقيت نفسي بنادي عليه وبقوله صحيح اللي سمعته ده راح باصصلي وقالي ايه ده قلتله هو فعلا منطقتنا ديه عايمة على اثار زي ما بيقولوا قالي اومال ايه ده كان في واحد هنا عمل صفقة وطار طلع سابع سما تلاقيه دلوقتي في جاردن سيتي وبيصيف في هايسندي ، اسمها هايسندا وبعدين ياعم حلمك عالراجل هيولع في مكانه طب واحنا لو عايزين ندور هنعرف ازاي فين مدفون !! إلا لو انت تعرف حد ممكن يساعدنا أو مثلا حد ليه في حوارات الجن والكلام ده انا اسمع انهم بيعرفوا اماكن الدفن ، اومال اييه طبعا دول بيسخروا جن سفلي ويسرحوه تحت الارض ، اها !! ممكن طب ايه متعرفش حد ليه في السكة ديه ، اللي اعرفهم كلهم في البلد عندنا لكن هنا معرفش حد بصراحة بس استنى السكان عندنا دايما بيشتكوا ان في اصوات غريبة بتطلع من الراجل اللي في الخامس والحاجات اللي هما بيقولوها ديه علامات كلها انا عارفها كانت بتبقى عند صحابي اللي شغالين في الحوارات ديه ، هو شغال يعني في الحوار ده ولا هو ملبوس ولا البيت مسكون ولا ايه ، لا انا معرفش بس ممكن نعرف ، وده ازاي ياعم خميس ؟ ، بكرا هعرف وهقولك ...

يتبع...