حسابك يا رزة ، قول اهندسة 2 قهوة وحجر قص يبقى كله 13 بالصلاة على النبي ، تمام خد خمستاشر وخلي الباقي ، حبيبي يا هندسة .
في حاجة على بالي لما اروح هشوفها واعرف الدنيا ماشية ازاي ، واهو اللاب افتح ياعم جوجل " استخدام الملابس الداخلية في السحر \ الشعوذة \ الاعمال \ التقرب للجن " خلينا في السحر عشان نفهم ايه الحوار ، لما ادخل على مدونة الشيخ ابو هبابة لجلب الحبيب ده ، ايه ده احضر قطعة من ملابس زوجتك الداخلية ونضمن لك أنها لن تخونك ابدا . مقال طويل عريض عن شوية طلبات اهمها ملابس داخلية مستعملة وزعفران وسمكة لوت متوسطة الحجم ورقم تليفون للتواصل مع مركز الشيخ ابو هبابة ، لا مهو النت مش هينفع في الحاجات ديه انا هكلم الواد عماد هو كان بيحب يتكلم في الحاجات ديه ، ألو ايوا يا عمدة حبيبي اخبارك ، والله تمام انت عامل ايه ياض يا مختار ، بقولك يا عمدة انا اه الحمدلله تمام كنت عايزك في حوار ، قول يا زميلي ، تعرف انت في حوار الجن والعفاريت ده صح ، اه بس ليه انت عمر ما كان ليك في الحوارات ديه ، لا انا بس عايز افهم شوية حاجات منك ، خلاص يا باشا انت تؤمر بس مش هينفع في التليفون ممكن نتقابل بكرا بالليل ، لا بالليل مش فاضي عندي مشوار مهم ممكن نتقابل الصبح ايه رأيك ، خلاص يا مخ اللي تشوفه على واحدة كدة في القهوة اللي عند البيت عندي ، خلاص تمام يبقي بكرا اتفقنا بس متنساش كالعادة ، لا متقلقش اشوفك بكرا ...
تعليقات
إرسال تعليق